കളരി കുറുപ്പ് കളരി കുറുപ്പ് സമുദായങ്ങളില്‍പ്പെട്ട സാഹിത്യകാരന്മാര്‍ പലരെയും നമ്മുടെ സമുദായം . അംഗീകരിക്കപ്പെടാതെ പോകുന്നു.ഇത്തരം സാഹിത്യകാരന്മാരെ പരിചയപ്പെടുത്തുവാന്‍ ഒരവസരമായി കരുതുന്നു.ഇന്ന് കേരളത്തില്‍ അറിയപ്പെടുന്ന ബാലസഹിത്യകാരന്മാരില്‍ ഒരാളാണ് ശ്രീ.രാജന്‍ കോട്ടപ്പുറം.തൃശൂർ ജില്ലയിൽ കൊടുങ്ങല്ലൂരുള്ള കോട്ടപ്പുറത്ത്‌ കിഴുത്തുള്ളി കളരിക്കൽ നാരായണൻ ആശാന്റെയും കാർത്ത്യായനിയമ്മയുടെയും മകനായ രാജന്‍ കോട്ടപ്പുറം സെന്റ്‌ മൈക്കിൾസ്‌ സ്‌കൂൾ സെന്റ്‌ ആൻസ്‌ ഹൈസ്‌കൂൾ പുല്ലൂറ്റ്‌ ഗവ. കെ.കെ.ടി.എം. കോളേജ്‌ എന്നിവിടങ്ങളിൽ നിന്നാണ് പഠനം പൂര്‍ത്തിയാക്കിയത് . കുട്ടികൾക്കായി ആനുകാലികങ്ങളിൽ കഥ, കവിത, ലേഖനം തുടങ്ങയവ എഴുതുന്നു. ഇപ്പോൾ വാണിജ്യനികുതിവകുപ്പിൽ വാണിജ്യനികുതി ഓഫീസറായി ജോലി ചെയ്യുന്നു.മികച്ച സാഹിത്യ സൃഷ്ടികള്‍ക്ക് നല്‍കാറുള്ള അപ്പന്‍ തമ്പുരാന്‍ അവാര്‍ഡ് അടക്കം നിരവധി പുരസ്കാരങ്ങളും ഇദ്ദേഹത്തിനു ലഭിച്ചിട്ടുണ്ട്.
| |||||
അക്വേറിയത്തിലെ മത്സ്യംപോലെ
സ്വപ്‌നഭംഗത്തിന്റെ
ചില്ലുകളിൽ തട്ടി
മടങ്ങുകയാണ്‌ മനസ്സ്‌
കൃത്രിമ പച്ചപ്പിന്റെ സൂചിയിലകളിലോ
സുഖദ സ്‌പർശം?
ഉരുളൻ കല്ലുകളിൽ
തെന്നിനീങ്ങുന്ന സ്ഥലജല വിഭ്രാന്തി
കുതിച്ചുയരുമ്പോൾ
നഷ്‌ടമാകുന്ന ആകാശനീലിമ
ഇളകിയൊഴുകുമ്പോഴും
നീന്തിത്തുടിക്കുമ്പോഴും
പാരതന്ത്ര്യത്തിന്റെ കാണാച്ചരട്‌
കാഴ്‌ചക്കാരുടെ കുളിർദർശനത്തിനായ്‌
ചില്ലുകൂട്ടിലടച്ചൊരു ജീവിതം
ബഹുലതകളില്ലാത്ത സഹവാസത്തിലും
ആരോ കനിഞ്ഞേകിയ ഇണസ്‌പർശത്തിലും
ഒതുക്കപ്പെടുകയാണു ജീവിതം
തളക്കപ്പെടുകയാണു ജീവിതം.
No comments:
Post a Comment