ജ്യോതിഷരത്നം പുരസ്കാരം രാഘവന്‍ ജ്യോത്സ്യര്‍ക്ക്
കാഞ്ഞങ്ങാട്: അരയി നാരായണന്‍ ഗുരുക്കള്‍ സ്മാരക
സാംസ്കാരിക വേദിയുടെ ഈവര്‍ഷത്തെ ജ്യോതിഷരത്നം പുരസ്കാരത്തിന് മേലാങ്കോട്
രാഘവന്‍ ജ്യോത്സ്യരെ തിരഞ്ഞെടുത്തു. 10,001 രൂപയും ശില്‍പവും പ്രശസ്തി പത്രവുമടങ്ങുന്നതാണ് അവാര്‍ഡ്.
അരയി നാരായണന്‍ ഗുരുക്കള്‍ സ്മാരക സാംസ്കാരിക വേദിയുടെ നേതൃത്വത്തില്‍ ഏര്യത്ത് മുണ്ട്യ വൈകുണ്ഠം ഓഡിറ്റോറിയത്തില്‍ പൂരക്കളി സാഹിത്യ രചനയില്‍ സമൂല സംഭാവന നല്കിയ സംസ്‌കൃതപണ്ഡിതന്‍ അരയി നാരായണന്‍ ഗുരുക്കള്‍ അനുസ്മരണ സമ്മേളനം നടത്തി . പൂരക്കളിയില്‍ ഗുരുക്കന്മാരുടെ സംഭാവന എന്ന വിഷയത്തില്‍ നടന്ന സിമ്പോസിയം ശങ്കരാചാര്യ സംസ്‌കൃത സര്‍വകലാശാല മുന്‍ ഡയറക്ടര്‍ ഡോ. ഇ.ശ്രീധരന്‍ ഉദ്ഘാടനം ചെയ്തു. ജനറല്‍ കണ്‍വീനര്‍ വി.ഗോപാലകൃഷ്ണപണിക്കര്‍ അധ്യക്ഷനായി. കണ്ണൂര്‍ സര്‍വകലാശാല മലയാള വിഭാഗം മേധാവി ഡോ. എ.എം.ശ്രീധരന്‍ , വത്സന്‍ പിലിക്കോട്, എഴുത്തുകാരന്‍ സുകുമാരന്‍ പെരിയച്ചൂര്‍ , വി.പി.ദാമോദര പണിക്കര്‍ എന്നിവര്‍ സംസാരിച്ചു. സംഘാടക സമിതി വൈസ് ചെയര്‍മാന്‍ പി.പി.സുന്ദരന്‍ സ്വാഗതം പറഞ്ഞു.
മേലാങ്കോട് രാഘവന്‍ ജ്യോത്സ്യര്‍ക്ക് ജ്യോതിഷ രത്‌നം ബഹുമതി നല്കി ആദരിച്ചു. വെള്ളിക്കോത്ത് ശ്രീധരന്‍ ജ്യോത്സ്യര്‍ , കാഞ്ഞങ്ങാട് ബാലകൃഷ്ണന്‍ ജ്യോത്സ്യര്‍ , ഫോക്‌ലോര്‍ അക്കാദമി അവാര്‍ഡ് ജേതാക്കളായ എ.എം.ശ്രീധരന്‍ , വത്സന്‍ പിലിക്കോട്, എം.പദ്മനാഭ പണിക്കര്‍ , ബാലകൃഷ്ണ പണിക്കര്‍ , ഭാസ്‌കര പണിക്കര്‍ എന്നിവരെയും ആദരിച്ചു.
തുടര്‍ന്ന് പൂരക്കളിയും മറത്തുകളിയും നടന്നു. സാംസ്കാരിക സമ്മേളനം പി.കരുണാകരന്‍ എം.പി. ഉദ്ഘാടനം ചെയ്തു.സ്വാഗതസംഘം ചെയര്‍മാന്‍ പി.ദാമോദര പണിക്കര്‍ അധ്യക്ഷനായി. ഇ.ചന്ദ്രശേഖരന്‍ എം.എല്‍.എ, കാഞ്ഞങ്ങാട് നഗരസഭാ ഉപാധ്യക്ഷന്‍ പ്രഭാകരന്‍ വാഴുന്നോറടി, കെ.വെളുത്തമ്പു, മടിക്കൈ കമ്മാരന്‍, അഡ്വ. പി.അപ്പുക്കുട്ടന്‍ , എ.വി.രാമകൃഷ്ണന്‍ , പൂരക്കളി കലാഅക്കാദമി സംസ്ഥാന അധ്യക്ഷന്‍ എം.പി.പദ്മനാഭന്‍ , കൗണ്‍സിലര്‍മാരായ സി.കെ.വത്സലന്‍ , കെ.ദിവ്യ, അരയി കോവിലകം പ്രസിഡന്റ് കെ.അമ്പാടി, ഏര്യത്ത്മുണ്ട്യ ദേവാലയം പ്രസിഡന്റുമാരായ പി.പി.കോരന്‍ , കെ.സുമ എന്നിവര്‍ സംസാരിച്ചു. സ്വാഗതസംഘം വൈസ് ചെയര്‍മാന്‍ പുരുഷോത്തമന്‍ സ്വാഗതവും കെ.ബാബു പണിക്കര്‍ അരയി നന്ദിയും പറഞ്ഞു. തുടര്‍ന്ന് ചിലമ്പൊലി നാട്ടറിവ് പഠന കേന്ദ്രത്തിന്റെ കലാവിരുന്നും നടന്നു.
No comments:
Post a Comment